Dien met Vreugde

Die Vryburger Omgeemense van Worcester

'n Nie-politieke diens- en kultuur organisasie wat stoflike, sowel as die opvoedkundige, kulturele, geestelike en maatskaplike ontwikkeling van ons gemeenskap ten doel het.

DONASIES

* Die Vryburger Omgeemense het GEEN verbintenis of assosiasie met die Vryburgerbeweging, Vrymesselaars en die dorp Vryburg nie.

BURGERRAAD 2025

Slegs vir Vryburger Lede!

BESPREEK NOU

Wie is Ons | Ons Strewe | Geskiedenis | Kentekens | Die Sens

Wie is die Vryburgers

Die Vryburgers is ‘n nie-politiese diensorganisasie wat daarna strewe en hulle beywer vir die maatskaplike ontwikkeling van die gemeenskap en terseldertyd ook die bevordering van die Afrikaanse kultuur en tradisies. Die organisiasie gebruik die Bybel as grondslag. Meeste van ons lede is Afrikaanse besigheidsmanne (en deesdae vroue ook) wat graag ‘n verskil in hulle onmiddelike omgewing en ons land wil maak.

Wie is die Vryburgers

Die Vryburger Omgeemense is daar om ‘n verskil in hulle gemeenskappe te maak. Alhoewel “broodnood” ‘n prioriteit is wil ons op ander gebiede ook ‘n verskil maak. Fondsinsamelings is belangrik, maar soms rol ons moue op en doen iets in die gemeenskap.

Vryburgerstrewe

Die Strewe van die Vryburger Diensorganisasie van Suid-Afrika bewoord die kernwaardes en doelstellings van Vryburgerwees.

Die voorlees van die Vryburgerstrewe geskied by vergaderings en funksies van die Vryburgers en dien die doel van bewusmaking van die Organisasie se bestaansrede en doelstellings aan buite persone of gaste teenwoordig by sodanige funksie.

Met die voorlees van die Vryburgerstrewe word Vryburgerlede ook weer opnuut herinner aan die kernwaardes van ons beweging en hul belofte tydens hul instelling as lid van die Vryburgers van Suid-Afrika.

Die Strewe is ook ‘n handelswyse of norm wat inherent die basis moet vorm van alle Vryburgerprojekte en aksies.

STREWE
Vryburger Omgeemense van Suid-Afrika streef daarna:
• Om die Suid-Afrikaanse volk en gemeenskap te dien
• Om die Afrikaanse kultuur en tradisies te erken, uit te leef en op alle terreine te bevorder
• Om altyd die Bybel as grondslag te erken, en
• Om kameraadskap en samewerking in die gemeenskap te bevorder en aan te moedig.

Hoe kan JY help?

U is meer as welkom om ons te kontak indien u uself wil vereenselwig met die strewe van die Vryburger Diensorganisasie van Suid Afrika en voel dat u ‘n verskil kan maak in die behoeftiges binne u gemeenskap. Skenkings word slegs aan projekte gegee waarvoor staatsubsidies nie geredelik beskikbaar is nie. U kan op een van 4 maniere 'n verskil in 'n behoeftige individu se lewe maak:

Finansiele Bydrae

Die Vryburger Omgeemense het die oor op die grond en weet presies waar daar dingende behoefte en “broodnood” is. Ons waarborg jou, dat jou liefdadigheids bydrae toepaslik aangewend sal word en nie in ons oorhoofse kostes sal beland nie.

Raak 'n Vryburger

Om 'n Vryburger te wees is nie net 'n voorreg nie, maar is ongelooflik vervullend en bied aan elke Vryburger die geleendheid om 'n verskil te maak binne sy eie gemeenskap. Vryburgers is Omgeemense!

Skenk klere en allerlei

Ons korpse weet presies waar jou skenkings binne ons gemeenskappe aangewend kan wordom die nood van behoeftiges te verlig. Ons verwelkom ou klere, meubels en allerlei. Kontak ons en ons maak ‘n plan om dit by jou te kom afhaal.

Gebruik jou Netwerk

Elke organisasie het deesdae ‘n Facebook-bladsy en dit is ook waar ons meeste van ons onlangse doen en late uitstal. Sien ook daar watter byeenkomste die Vryburger-korps naby jou beplan en aanbied. Deel asb ons facebook publikasies.